نوکیا 3310 کے نئے ماڈل کی قیمت کے حوالے سے تفصیلات سامنے آگئیں

لاہور (اردوپوائنٹ اخبارتازہ ترین۔24فروری2017) نوکیا 3310 کے نئے ماڈل کی قیمت کے حوالے سے تفصیلات سامنے آگئی ہیں۔ تفصیلات کے مطابق کچھ روز قبل نوکیا کی جانب سے اعلان کیا گیا تھا کہ ماضی میں کمپنی کا سب سے کامیاب ترین موبائل فون نوکیا 3310 دوبارہ مارکیٹ میں پیش کیا جائے گا۔ اس مرتبہ نوکیا 3310 کی ڈیزائن اور فیچرز میں کئی تبدیلیاں کی جائیں گی۔ اب اس کی قیمت کے حوالے سے کچھ تفصیلات سامنے آئی ہیں۔ ذرائع کے مطابق ابتدائی طور پر اس موبائل کی قیمت 62 ڈالر یعنی لگ بھگ 7 ہزار پاکستانی روپے ہوگی۔